नंतर वाचनात आलं कि साधी माणसं या चित्रपटातील ऐरणीच्या देवा तुला या सदाबहार गाण्यात गीतकार स्व.जगदीश खेबुडकर यांनी ठिणगी ठिणगी वाहू दे च्या जागी आधी आगिनफुलं वाहू दे अशी शब्द रचना केली होती..
कोल्हापूरस्थित मास्तर म्हणून प्रसिद्ध असलेल्या व पाच दशकांहून जास्त सांगितिक कारकीर्द गाजवलेल्या खेबुडकरांनी तीनशेपेक्षा अधिक मराठी चित्रपटांसाठी गाणी लिहिली. तत्कालीन बहुतेक संगितकारांशी त्यांचे चांगले सूर जुळले. या बरोबरच त्यांनी पटकथा, संवाद, लघुकथा, नाटके, दूरदर्शन मालिका इ. विपुल प्रमाणात लेखनही केले..
मास्तरांनी आगिनफुलं हा त्यांचा आवडता शब्द कुंकू माझे भाग्याचे चित्रपटातील ज्या गीतात वापरला ते आपलं आजचं असंच एक कोपऱ्यातील गीत. पूर्वी आकाशवाणी मुंबई केंद्रावर कामगारांसाठी या कार्यक्रमात हे हमखास लागायचं. इथे आगिनफुलं चा संदर्भ जरा वेगळा पण फारच विलोभनीय आहे..
जयवंत कुलकर्णी, बकुळ पंडित व साथीदारांसह गायिलेले हे गीत स्वरबद्ध केलंय राम कदम यांनी..
Watch - आगिन फुलं हि तोडा बायांनो...